Ran ka Meghalaya 1km tam chapoh Khanduli wow booh COVID-19 Check Point

Jowai: Ynne ka sngi neiliang u Waheh Chnong ka Khanduli, West Jaiñtia Hills, u Yoshida Nongspung, da pyntip u wa ka Dorbar Chnong da phylla ko wow yoo wa ki bor sorkar jylla da ran ko chapoh u pood ka chnong wow booh ya ka thaw sylli COVID-19 check point chapoh ka chnong.

Da pyntip u wa ki bor chnong chirup wa ki bru ka sorkar da sdang ki wow khang ya i wan psiah ki bru na Assam nadooh ka 24 Wisu 2020 ha Myni, Khanduli. 

U Yoshida da pyntip u wa du hadien kattu katni por da wan ki sahep ka sorkar Assam na West Karbi Anglong District wow pyrchah yeini deiwa kam wa kani ka thaw sylli em ko hapoh Assam tangwa da yieñ skem bait ha kani ka thaw.

Chooh chooh da phylla u leh wow yoo wa du hadien kattu katni sngi ki bor sorkar ka Meghalaya wa ki pulit ka jykla da ran ki chadien kamwa 200 meter na i thaw wa sdang sylli ki wei da booh won hajan ka thaw wa em ki pulit (Battalion) ka MLP.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pynrap u leh wa yeini i ran da leh da ki bor pulit ka Saitsama Police Out Post wei i thaw wa em katni em i kamwa palat 1 km na u pood ka jylla namo Zero Point.

Hawa yaklam wa u Incharge ka Saitsama Police Out Post, u SB Siangshai da pynsakhiat u yeiwa klam u waheh chnong ka Khanduli, heiwa da sdang ki wow sylli wei wow khang ya i psiah ki bru cha Meghalaya katkam ka hukum ka sorkar jylla heiyatoh wa ka khlam u COVID-19 wei yeini da sdang ha ka 24 tarik u Wisu.

Wei pyn ha kani ka sngi ka 24 tarik heipor kamwa 2:00 waje da wan ki pulit wa ki Magistrate ka Assam wow pynsangeh yeini tangwa neiliang yong oo da pynche u ya ki wa yeini da leh ymtoh neibhah u pood tangwa neidaw wa em ka khlam u COVID-19 wei da leh yeini leh pyn hapoh u pood ka jylla Meghalaya wei ka Zero Point em ko kamwa 1 Km na kani ka thaw wei da yieñ skem wow neh baitwow sylli heini i thaw (Myni).

Heiyatoh won wa ran ki sam chapoh u pood ka Khanduli (ha i thaw wa em katni hajan i thaw sah ki pulit ka jylla Meghalaya), neiliang u Siangshai da ong u wa da leh yeini hadien wa yaklam wa u SP ka West Jaiñtia Hills uwa da phah ran ya ki rap chadien.

Neiliang u Yoshida da kyntu u ya ka sorkar jylla wow chimkhia wow e yarap wei wow kyrchaan ya ki paidbah ka thaaiñ khappood neibhah wa lada em iwon iwon i jia ha khappood, ka Assam smat ko wow phah bru tangwa ka sorkar jylla won chimpor ko hadooh 4-5 sngi wow phah sahep.