December 21, 2022
Ka Meghalaya da jop ko ya ka Sikkim da 10 Wicket du ha ka sngi wa ar ka Ranji Trophy wa da pynman ha madan ka MCA ha Polo, Shillong ynne ka sngi.
Hadien wa ye ko u pyntam da 13 Run ha ka Innings wa nyngkong, ka Meghalaya da ye won ko u pynhaap lut ya ki Wicket ka Sikkim kawa da kamai du 90 Run, wei ini da booh thong ko ya ka Meghalaya 78 Run yow jop deiwa sah sa chi kynta ka yalehke chwa u doom ka sngi.
Kamtæ u Raj Biswa da yah u nakhmat deiwa kamai khlem haap da 56 Run na 32 bol deiwa dat 7 tylli ki 4 Run wa 2 tylli ki 6 Run, wei da pynyoh lok ya oo da u Kishan Lyngdoh uwa da kamai 16 Run khlem haap na 16 bol heiwa da yoh u ya 3 tylli ki 4 Run yow pynjop ya ka Meghalaya deiwa emkaam du 8 Over deiwa yoh ya ka Run Rate wa 9.75.
Ka Meghalaya kattu daw yachem ko waka Bihar ha ka 27 tarik uni u bnai ha ka jooh hi ka madan.
