Shillong: Ki spah Run na ki Guest-professional ka Meghalaya, u Ravi Teja (130) wa u Punit Bisht (163 not out) da rah ki yaka Meghalaya cha ka 387/4 haka sngi nyngkong ka yalehke Ranji Trophy pyrchah yaka Arunachal Pradesh ynne ka sngi ha Dibrugarh.
Ka Meghalaya da jop ko yaka kylla khlem wei da jied ko wow Bat nyngkong. U Wallam Lyngdoh Kynshi da yoh u 10 Run, u Pringsang Sangma 18 Run wa u Tengchan Sangma 37 Run.
U Teja wa u Bisht hadien wa chimkti ki yaka Bat, u Teja da dat u 10 tylli ki 4 Run wa kawi ka 6 Run na ki 199 tylli ki bol chwa wow haap ka Wicket u. Oo wa u Bisht da kamai lang ki 234 Run yaka Wicket wa soo. U Bisht won da kamai u 163 Run na ki 172 bol deiwa kynthup ya 19 tylli ki 4 Run wa kawi ka 6 Run. Da yoh u yaka 50 Run wa nyngong na ki 59 bol, ya ka 50 Run wa ar won da yoh u na ki 42 bol, katwa ya ka 50 Run wa le won da yoh u na 43 bol.
U Bisht kattu daw kdong u yaka arspah Run mynstep deiwa yoh lok wa u Sanjay Yadav, uwa kamai 19 Run hadooh wa kut ka yalehke ynne ka sngi.
Discussion about this post