U Hame Shaniah Suiam sa chisien da wanrah burom u yaka ri kamjooh yaka jylla deiwa yoh Gold Medal (Below 57Kg Senior Men Point Fighting) haka Indian Open International Kickboxing Tournament wa pynman ha Talkatora Indoor Stadium, New Delhi nadooh ka 9-13 tarik uni u bnai.
Sa uwi u Kickboxer wa dang sdang pawnaam u Heimonmi Suchiang haka kyrdan Junior Boys Full Contact Ring Sports of Kickboxing below 54 Kg uwa na chnong Shangpung hi kam u Hame, da rem u haka yakhun Final (Gold Medal) ha u Alibek Seidakhan uwa na Kazakhstan.
Myntu ha kani ka Tournament sa uwi uwa na Shangpung biang u Pynshrain Miki Rabon daw yakhun u haka kyrdan Low Kick Senior Men Below 67 Kg.
Ha i dur, u Brian Beck uwa na Great Britain-Chairman Tatami Referee Committee of WAKO World da e khublei u ya ki wajop na Meghalaya deiwa emlang u Working President of Meghalaya State Kickboxing Association (MSKA).
Discussion about this post