theme-sticky-logo-alt
theme-logo-alt
Advertisement ad1

Rap bha lada yoh yei tika chwa wow lai cha ki yungmane, ong u Chief Secretary

Advertisement ad1
Advertisement ad1

I wai ya ki thaw mane Blai ha ka jylla u man noh ko nadooh ka 16 tarik uni u bnai, wei neiliang ka yalang yong kiwa yahkhmat niam wa ka sorkar da yaklam che wa rap bha ya ki paidbah, ki para wangait kiwa lai cha ki yungmane lada da yoh tika chwa ki.

Hadien wa ka sorkar da dep pynbna ko wow wai noh ya ki thaw mane Blai waroh hapoh ka jylla nadooh ka 16 tarik uni u bnai, itæ du chi bynta na ka le bynta iwa ye wow boon bru. Ynne ka sngi neiliang u Chief Secretary ka jylla da lum u ya ka yalang wa kiwa yahkhmat niam waphær waphær wow pynbait ya ki kyndon næ ki SOP wei kamjooh da yaklam sani bha leh wow pynsñiawthooh ya ki paidbah hajrong i emkaam wow e ya i tika wow yada na u khñiang khlam.

Advertisement ad1

Hawa klam wa ki laad pathai khubor, u Chief Secretary ka jylla, u MS Raa da ong u wa ka sorkar ym em khang næ khlem booh kyndon wa kiwa lai cha ki thaw mane Blai toh u man ki du kiwa da dep yoh tika, tangwa da pyntip u wa ka yalang da rai ko wow kyntu ya ki para wangait wa rap bha wa ki paidbah u chim ki yei tika chwa wow lai cha ki yungmane, deiwa ong leh wa i wai ya ki thaw mane Blai leh daw yarap ya ka sorkar wow pynsñiawthooh ya iwa emkaam wow e ya i tika.

Share this:
Previous

Yoh u pulit u DSP ka Meghalaya ya ka Medal for Excellence in Investigation

Next

Da ka 75th Independence Day Week Celebration pynman Ka MBS&G, West Jaiñtia Hills