U heh ka NPP uwa man leh u Symbood Montri Rangbah ka jylla, u Sniawbhalang Dhar da kam u wa ka madan yakhun ka NPP cha ka Garo Hills Autonomous District Council (GHADC) da biang bha ko wei da kyrmen u wow synchaar biang.
Ka Election cha ka GHADC daw man noh ko ha u snem wow wan wei ki paidbah daw jied ki ya ki 29 ngut ki MDC.
Hawa klam ynne ka sngi, u Sniawbhalang da ong u wa u Montri Rangbah, u Conrad K Sangma leh jooh lai u ar sien ha ka chi tayaaw cha Garo wow pait yei man i long ha ka thaaiñ.
Hawa kylli lada ka Congress ye ko u khai khlieh biang ha kani ka jylla, u Sniawbhalang da ong u wa hawa pait tæ da yoo jwat wa kani ka seiñ tymmen ha ka ri India u dang khai khlieh biang ko.
Da ong u leh wa hanla ym ye wow bichaar ya ka Party yong kiwi tangwa chong ha ki Party yong ki wei i hiar ka Congress toh wa ki paidbah da jlep ki ka.
Kam wow kdaw heini, ka Congress kawa jooh synchaar ha Meghalaya ha ki snem wa da lai, da man nod ko katni deiwa dooh lut ya waroh ki MLA kiwa yut cha ka NPP.
Discussion about this post