U MLA wa da chah beh na ka seiñ Congress na West Shillong, u Mohendro Rapsang da kyntait u wow yakhun ya ka Election na ka seiñ Bharatiya Janata Party (BJP), wei da pynsñiaw u wa oo deilang wa kiwa kyrchaan da rap noh ki cha ka seiñ National People’s Party (NPP) kawa yahkhmat katni ya ka sorkar.
Hawa kylli hajrong i kam yong uwa yahkhmat ka BJP, u AL Hek wa da em i yaklam wow psiah yow yakhun ya ka Election MLA 2023 na ka BJP, u Rapsang da ong u wa i yaklam em ko wa waroh ki seiñ saiñpyrthai, wei da ong u leh wa ki seiñ kiwa da lai ki wow tyrwa hi ya ka Ticket wow yakhun ya ka Election, deiwa pynrap wa wot ka Congress kawa da Suspend ya oo leh katni dang yang ko wow yakhun u ya ka Election na katai ka seiñ.
Hawa kylli chooh chooh, da ong u wa hadooh katni dang man hi u kam u MLA ka Congress, tangwa da ong u wa hap wow thooh laad yow yakhun ya ka Election ha u snem 2023, neibhah wa ka Congress da Suspend ko ya oo deilang wa ki 4 ngut ki MLA hadooh le snem.
