Ka Jingiaseng Samla Nongkhlieh District, East Jaiñtia Hills kawa haap hapoh ka Sutnga Presbytery ynne ka 23 tarik da sdang ko ya ka 6th Khulu Malang Memorial Football Tournament 2022 ha ka Balang Daistong, EJH.
Ha kani ka sngi da wan wai ya kani ka lympung da u MDC ka Saipung u A.H. Darnei kam u kongsan hei emlang u Dawan Sutnga kam u symbood kongsan.
Kiwa chimbynta ha kani ka lympung kynthup ki ya ka J.S. Balang Tongseng, J.S. Balang Moolasngi, J.S. Balang Daistong, J.S. Balang Bamkhosngi, J.S. Balang Shnongrim, J.S. Balang Khaidong, J.S. Balang Lum-bangla wa ka J.S. Balang Shnongthymme.
Ha kani ka lympung da wan chimbynta da ki chynrang wa ki kynthai.
Kiwa yoh nyngkong daw chah jied ki yow chimbynta haka kyrdan ki lympung yalehke ki Presbytery.
