Rem ka Meghalaya ha ka Vinoo Mankad waka Women’s U-19 T20

Ka Meghalaya da rem ko arsien ha ki lympung yaleh Cricket ka BCCI ynne ka sngi kitæ ha ka Vinoo Mankad Trophy waka Women’s U-19 T20 Trophy.

Ha ka Vinoo Mankand Trophy, ka Meghalaya da rem ko da 8 Wicket ha ka Goa katwa ha ka Women’s U-19 won da jop ka Delhi da 10 Wicket.

Ka Vinoo Mankad Trophy kawa man leh ka One Day Tournament U-19 Boys, ka Goa da jop ko ya ka kylla-khlem wei da jied ko wow kawang bol nyngkong ha ka yalehke wa da pynman ha Pune heiwa ka Meghalaya da kamai ko 180/7 na ki 50 Over.

Kiwa wai yei kamai, u Mrityunjay Bharali (65 Run) wa u Mrinal Das (53 Run) da e ki yei sdang wa bha deiwa kamai lang 108 ya ka Meghalaya. Tangwa kiwi kiwa Bat won da chem chitom ki wow kamai palat 10 Run lait noh u Shavian Blah (36 Run) uwa da yarap ya ka Meghalaya wow Bat ko ya waroh ki 50 Over.

Related posts

Da kyrriah tarik ya ka Final ka Football Tournament ka Namdong-B

May 30, 2025

Jop ka Amlarem SC ya ka Langsning FC ha ka yakhun Friendly Match

May 29, 2025

Tangwa kani ka thong da man ko iwa suk ya ka Goa kawa da kamai 181/2 na 33.2 Over. U Bharat Gurung (1/26) wa u Raghav Magotra (1/44) toh kiwa pynhaap Wicket ya ka Meghalaya.

Ka Meghalaya daw yachem ko kattu wa ka Tripura ha ka 10 tarik.

Ha Hyderabad won, ka Delhi da emkaam ko yei jop wa heh yow yoh nyngkong ha ka Group B yow yoh u lai chakhmat.

Ka Meghalaya da jop ko ya ka kylla-khlem wei da jied ko wow Bat nyngkong tangwa da ye ki u kamai du 24 Run na ki 12 Over deiwa dooh lut ya ki Wicket. Ka Delhi da kdong ko ya ini wei da jop ki ha ka 2.3 Over khlem dooh Wicket.

Da ini i rem, ka Meghalaya da yoh ko hei wa soo ha ka Group B deiwa jop arsien wei hapoh yong ki da em ka Goa waka Sikkim.