theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Lai e yarap ki manbei ka Lumputhoi cha kiwa da heh rta wa kiwa em hei chitom

Ka Seiñ Manbei Lumputhoi hapoh i yahkhmat ka Spelbha Lyngdoh kam ka President chirup wa ka Shisur Lyngdoh kam ka General Secretary, ka Kliar Lyngdoh kam ka Vice-President wa ka Ngaitlang Lyngdoh kam ka Treasurer deilang wa ki dkhot ka Executive Committee da lai pait lai yoo ki ya kiwa chong chnong kiwa da heh rta wa kiwa kjut wa chitom kiwa em hapoh ka chnong ka thaw.

Ka yumut wa lai pait ya ki toh yow e mynsien, yow pyn-eh bok pyn-eh nasib, yow sneiñ yow kyntu khamtam ya ki khon ki nat ki pyrsa ki ksu yong ki yow tip ki u burom ya ka beipun, u papun, u ma, u woh kiwa da heh rta kamjooh kiwa kjut wa chitom.

Advertisement ad1

Hadien wada pynsñiawthooh wa i yasyllok da kyntu wa kam ki manyung toh u man ki kiwa yatoh yumut hapyrdi chiyung chisem yow lait nei jæd nei pra ka yung ka sem. Kiwa yahkhmat ka Seiñ Manbei da pynrap chooh chooh deiwa ong lada em hei kjut hei chitom ym toh u ieh beiñ tangwa toh u phah sumaar wei wow thied dawai dachin ya ki. Najrong ini da e haroh ki yei e yarap sñiawbha wa khian kam ka dak wow e mynsien ya ki wei wow e yei chakri ya ki paradoh parasnaam ha ka imlang sahlang.

Ha kani ka sien wa nongkong da lai pait lai yoo ki ya ki 7 ngut kiwa da tymmen wa kiwa em hei kjut hei chitom:

  1. Ka Riam Lyngdoh (84 snem)
  2. Ka Shit Lyngdoh (90 snem)
  3. Ka Nehlang Lyngdoh (78 snem)
  4. Ka Phri Lyngdoh (76 snem)
  5. Ka Dian Lyngdoh (64 snem) wa em hei chitom
  6. U Standly Lamurong (47 snem) wa em hei chitom
  7. U Loiñ Lyngdoh (84 snem)

Ka seiñ da kitbok kitrwiang ki ya kini kiwa chong chnong wa u Blai wa booh wa thoo u e u ya ki da i dooh i pran wa chait wa tram yow im tymmen chong prah chong chang ki hadooh wa kut i rta yong ki.

Advertisement ad1
Share this:
Previous

Wai ka MCA ya ki thaw yaleh Cricket ha St. Anthony’s Higher Secondary School

Next

Rem ka Meghalaya ha ka Vinoo Mankad waka Women’s U-19 T20