Shillong: Ka Meghalaya ynne ka sngi da rem ko haka yalehke wa khaddooh yong ka (Group Match) haka Vijay Hazare Trophy haka Chandigarh da 6 Wicket kawa pynman ha Dehradun ynne ka sngi.
Ka Chandigarh da jop ko yaka kylla khlem wei da phah Bat nyngkong ko yaka Meghalaya kawa kamai 184/8 na ki 50 Over. Ka Chandigarh won da poi ko cha ka thong jop deiwa dooh 4 Wicket na ki 43.5 Over.
Neiliang kiwa Bat ka Meghalaya kiwa mih nyngkong wow kamai Run, u Swarajeet Das (9) wa u Wallam Lyngdoh Kynshi da kamai ki suki suki yow poi 45 Run neibynta ka Wicket wa nyngkong. U Wallam wa u Amiangshu Sen won da haap ki hadien wa kamai ki mar 27 Run katwa u Punit Bisht (6) wa u Ravi Teja (21) ym em ye ki u kamai boon. Katwa u Sanjay Yadav won da kamai boon dooh u da 61 Run khlem haap ka Wicket u na 63 bol.
Ka Chandigarh hawa Bat ko da dooh ko ya uwa Bat nyngkong ha u Abhay Negi (1/43) tangwa da jop suk ko deiwa ym em i thut heiwa kiwi kiwa kawang bol ka Meghalaya kiwa yoh Wicket toh u Das (1/27) wa u Aditya Singhania (1/35).
Discussion about this post