Shillong: Ka Meghalaya haka Ranji Trophy da rem ko haka Chandigarh katwa haka U-19 Cooch Behar Trophy da rem ko haka Goa ynne ka sngi katwa haka U-23 won dang em ki u loom wa jrong wow ku pyrchah yaka Bihar.
Ha Mangaldai, Assam ka Meghalaya da pteiñ ko neiwa ieh ko da 15/1 yow kdong ya ka thong wa da booh ka Chandigarh iwa 455/9 (Declared). Ka Meghalaya da dooh ko yaka Wicket wa ar yong ka haka Over wa 4 wei da chemchitom ko wow pynneh ya kiwa Bat yong ka. Ki le ngut kiwa rap ye u kamai Run toh u Punit Bisht (84), Sanjay Yadav (21) wa u Ravi Teja (11) wei da ye waroh u kamai du 148 Run.
Ini da pynsah ko yaka Meghalaya sa 300 Run chadien kamtæ ka Chandigarh da phah ko da ka Follow-on wei da pynhaap biang ya ki Wicket ka Meghalaya deiwa yoh ko du 118 Run yow pynjop ya ka Chandigarh da chi Innings wa 189 Runs. Yaka Meghalaya da kamai u Bisht 54 Run.
Ha Tezpur ka Goa da jop ko da 10 Wickets. Haka sngi wa ar da sdang ka Goa da 126/5, 28 Run wa sah ya iwa kamai ka Meghalaya haka Innings wa nyngkong wa 154 Run. Ka Goa da ye ko wow kamai sa du 76 Run na ki Wicket wa sah yong ka. Na kiwa kawang bol ka Meghalaya, u Aryan Borah da yoh u 5/44, u Abhishek Kumar 3/31 wa u Sudhir Sahani 1/23.
Ka Goa da tam ko du 48 Run, tangwa da ye ki wow pynhaap lut ya ki Wicket ka Meghalaya kawa ye u kamai du 53 Run. Ini mut wa da booh thong yaka Goa du 6 Run yow jop iwa da pynyoh ki du hapoh chi Over.
Haka Col CK Nayudu Trophy, ka Bihar da pteiñ ko na 284/5 haka sngi wa ar ha Patna wei da haap lut ki Wicket ko hadien wa kamai ko 489 Run. U Elchiang Ch Momin toh uwa da leh bha na kiwa kawang bol ka uwa da yoh 6/106.
Ka Meghalaya da ye ko wow kamai du 99 Run (All out), iwa dang sah sa 390 Run. Ki Umpires da pynkut ki yaka yalehke hadien wa haap lut ki Wicket ka Meghalaya wei ka Bihar daw phah ko yaka Follow-on mynstep.
Discussion about this post