Shillong: Ka Meghalaya da rem ko haka Vijay Hazare Trophy haka Uttarakhand da 120 Run haka yelehke wa pynman ynne ka sngi ha Dehradun kawa man ka sien wa ar wa rem ko ha kani ka lympung.
Ka Uttarakhand da jop ko yaka kylla khlem wei da jied ko wow Bat nyngkong, wei da kamai ko 294/9 na ki 50 Over, heiwa u Karanveer Kaushal da kamai boon dooh u da 103 Run. Na kiwa kawang bol ka Meghalaya kiwa da leh bha toh u Sanjay Yadav 3/55, Akash Kumar 3/61, u Aditya Singhania 1/41 wa u Abhay Negi 1/52.
Hawa kdong yaka thong, u Raj Biswa hadien wa da yoh u ya ka spah Run haka yalehke wa dang dep, da leh bha biang u deiwa kamai 74 Run.
Ka Meghalaya da haap lut ki Wicket ko deiwa kamai 174 Run na ki 42.4 Over.
Ka yalehke wa bood ka Meghalaya toh pyrchah yaka Assam haka 14 tarik uni u bnai.
Discussion about this post