Shillong: Ka Meghalaya da rem ko haka yalehke wa nyngkong yong ka haka U-16 Vijay Merchant Trophy da chi Innings wa 114 Run haka Sikkim kawa pynman ha Bhubaneswar.
Ka yalehke wa le sngi da sdang ko nadooh ka 11 tarik heiwa ka Sikkim da jop ko yaka kylla khlem wei da phah Bat nyngkong ko yaka Meghalaya. U Nirdesh Bhaisoya da kamai boon dooh u deiwa yoh 35 Run wei waroh da yoh ka Meghalaya 134 Run deiwa haap lut ki Wicket na ki 71 Over.
Ka Sikkim hawa Bat ko da yoh ko 274 Run All Out na ki 114 Overs, heiwa kiwa kawang bol ka Meghalaya kiwa leh bha toh u Bhaisoya 4/77, u Swaraj Shrestra (1/11), u Himanshu Kumar Yadav (1/25), u Raghav Kumar Magotra (1/41) wa u Avinash Rai (1/50).
Ka Meghalaya da chem chitom chooh chooh ko wow Bat haka Innings wa ar heiwa ym em tang uwi leh uwa Bat wa tam yaka 10 Run wei da kamai ki da 26/6.
Ka Meghalaya kattu u yachem ko waka Arunachal Pradesh ha Tezpur ka wow sdang nadooh ka 17 tarik uni u bnai.
Discussion about this post