Republic Day Cup: Jop ka FAM, Catholic Youth, Dulong, Ksehsylle waka Loomkyrwiang

Ka Republic Day Cup U-13 Football Tournament 2024 kawa pynman da ka West Jaiñtia District Sports Association (WJDSA) da poi ko cha ka sngi wa soo ynne deiwa pynman biang 6 tylli ki yalehke.

Ha ka yalehke wa nyngkong, ka FAM da jop ko yaka Nangbah Iawmusiang da 8-2.

Ya ka FAM da thap kool da u Jason Kyndait haka minit wa 22, u Chelangki Shylla haka minit wa 26, u Alwin Rymbai haka minit wa 27 wa 45, u Dachanmitre Dkhar haka minit wa 30 wa 58, u Bantowin Shylla haka minit wa 37 wa u Kevinson Thubru (Own Goal) haka minit wa 57.

Ya ka Nangbah Iawmusiang da thap da u Esalanmiki Lamare haka minit wa 18 wa uAiborme Lamare haka minit wa 47.

Related posts

Pyntikna ka MFA wa daw pynman ya ka Meghalaya Women’s State League wa nyngkong dooh

June 8, 2025

Rah ka Khanduli SC yei naam jop ha ka lympung yalehbol ka Namdong-B

June 8, 2025

Ha ka yalehke wa ar, ka Catholic Youth da jop ko yaka Luti Tuber Ialong da 2-0 da ki kool wa thap u Bester Chyrmang haka minit wa 31 wa u Wanbha Phawa haka minit wa 53.

Ka yalehke wa le da kut ko da 0-0 kawa da pynman hapyrdi ka Panaliar waka Sabahmuswang.

Ha ka yalehke wa soo, ka Dulong da jop ko yaka Chutwakhu da 3-0 lyngba ki kool wa thap u Imonhimi Laloo haka minit wa 2, u Ozil Langshiang haka minit wa 24 wa u Arkini Bamon haka minit wa 45.

Ha ka yalehke wa san, ka Ksehsylle Ialong da jop ko yaka Khimusniang da 4-0 da ki kool wa thap da u Rittemiki Rymbai haka minit wa 6, u Khainmi Pale haka minit wa 25, u Dalam I Phawa haka minit wa 52 wa u D. Dhar haka minit wa 55.

Ha ka yalehke wa ynru, ka Loomkyrwiang da jop ko yaka Chilliangraij da 2-0 lyngba ki kool wa thap u Nathanial Ethan Rymbai haka minit wa 32 wa u Dasalan Bareh haka minit wa 50.