Ka Republic Day Cup U-13 Football Tournament 2024 kawa pynman da ka West Jaiñtia District Sports Association (WJDSA) da poi ko cha ka sngi wa ynru ynne deiwa pynman ar tylli ki yalehke wa dang sah chwa u sdang noh ya ki yalehke Quarter Final.
Ha ka yalehke wa nyngkong, ka Kseh Sylle Ialong da jop ko yaka Chilliangraij da 3-0 lyngba ki kool wa thap u Jeremy Mulieh haka minit wa 15, u Chanmitre Suchiang haka minit wa 20 wa u Jedison Dhar haka minit wa 26.
Ha ka yalehke wa ar, ka Iawmulong Nartiang da jop ko yaka Khimusniang da 5-2.
Ya ka Khimusniang da thap kool da u Pynshai Lamare haka minit wa 2 wa u Rudyson Sutnga haka minit wa 18, katwa yaka Iawmulong Nartiang da thap da u Ebiangmi Dkhar haka minit wa 24, u Ebormi Nongtdeh haka minit wa 35, u Kamkihi Pyrtuh haka minit wa 42 wa u Mewanhi Maskut haka minit wa 45 wa 56.
Ki yalehke Quarter Final man ki kamni:
Haka 15 tarik heipor 10:00 waje i step, ka Catholic Youth Mihmyntdu u yachem ko waka Iawmulong Nartiang. Haka jooh hi ka sngi heipor 11:30 i step, ka Sabah u yachem ko waka Iongpiah.
Haka 16 tarik heipor 10:00 waje i step, ka PSA u yachem ko waka Panaliar. Haka jooh hi ka sngi heipor 11:30, ka Ksehsylle Ialong daw yachem ko waka FAM.
Discussion about this post