Republic Day Cup: Jop ka Sabahmuswang, Panaliar, Sailung Ialong waka Kseh Sylle Ialong

Ka Republic Day Cup U-13 Football Tournament 2024 kawa pynman da ka West Jaiñtia District Sports Association (WJDSA) da poi ko cha ka sngi wa san ynne deiwa pynman biang 6 tylli ki yalehke.

Ha ka yalehke wa nyngkong, ka Sabahmuswang da jop ko yaka Mynthong da 8-0 lyngba ki kool wa thap da u Poimidasuk Phawa haka minit wa 2 wa 58, u Deiwa E Mitre Shylla haka minit wa 6, 8, 40 wa 53 wa u Kyrchanlang Chyrmang haka minit wa 11 wa 28.

Ha ka yalehke wa ar, ka Panaliar da jop ko yaka Chutwakhu da 5-1 heiwa yaka Panaliar da thap kool da u Lewa O Sumer haka minit wa 3, u Sawa O Phira haka minit wa 14 wa 51 wa u Dalammiki Khlem haka minit wa 43 wa 49 katwa yaka Chutwakhu da thap da u Jomison Shylla haka minit wa 10.

Ka yalehke wa le da kut ko da 1-1 hapyrdi ka Iongpiah waka PSA heiwa yaka Iongpiah da thap da u Ram Passah haka minit wa 37 katwa yaka PSA da thap da u Shanmiki Myrchiang haka minit wa 43 da ka Penalty.

Related posts

Psiah Final ka KNGHSS, NLHSS, St. Dominic, Govt Boys HSS wa Marian Hill HSS ha ka Subroto Cup ka West Jaiñtia Hills

June 12, 2025

Ki Result Semi wa Quarter Final ka Subroto Cup ka West Jaiñtia Hills

June 11, 2025

Ha ka yalehke wa soo, ka Sailung Ialong da jop ko yaka Demthring da 2-1 heiwa yaka Sailung Ialong da thap da u Rilangki O Rymbai haka minit wa 12 wa 48 katwa yaka Demthring da thap da u Dexter Suting haka minit wa 2.

Ha ka yalehke wa san, ka Kseh Sylle Ialong da jop ko yaka Iawmulong Nartiang da 2-1 heiwa ya ka Kseh Sylle Ialong da thap kool da u Jedison Dhar haka minit wa 23 wa u Dalam I Phawa haka minit wa 56 katwa yaka Iawmulong Nartiang da thap da u Ebiangmi Dhar haka minit wa 45.

Ka yalehke wa ynru da kut ko da 0-0 hapyrdi ka Khimusniang waka Loomkyrwiang.