Ka Republic Day Cup U-13 Football Tournament 2024 kawa pynman da ka West Jaiñtia District Sports Association (WJDSA) da sdang ko ya ki yalehke Quarter Final ynne ka sngi.
Ha ka yalehke wa nyngkong, ka Catholic Youth Mihmyntdu da jop ko yaka Iawmulong Nartiang da 1-0 da ka kool wa thap u Wanbha Phawa haka minit wa 21.
Ha ka yalehke wa ar, ka Sabahmuswang da jop ko yaka Iongpiah da 6-5 lyngba ka yachut Tie-Breaker hadien wa ka yalehke da kut ko da 3-3.
Ya ka Iongpiah da thap kool da u Freddy Tariang haka minit wa 7 wa 13 wa u Dayoohi Laloo haka minit wa 51 katwa ya ka Sabahmuswang da thap da u Wohjrem Shylla haka minit wa 18, u Clifford Shadap haka minit wa 28 wa u Kyrchanlang Chyrmang haka minit wa 58.
Kini ki ar liang wa jop da yoh ki wow psiah Semi Final.
Discussion about this post