Ri Jaiñtia ka ri wa em naam,
Ka Ri ka wym biang u pood u saam.
La kat ki tu ki snem wa da dep da lai,
U pood u saam nang jiæd nang pai.
I chong suk chong saiñ wym toh de kam nachwa,
Katni boon sadu i ya awri awra,
Aa, cheiwon cha kitu ki por nachwa,
I por wa synchaar da ka spah i maya.
Ki mrad ki mræng ki sim ki doh,
Kini da sdang ki u dooh jait waroh.
Wym toh de kam ki por nachwa,
Wa dang boon ki Hati ki Khla.
Ki dieñ ki siej da chah thyllem lut waroh,
Wym em aiñ de wa khoom wa kdoh.
Tip, cheiwon ma-ai u yah kani ka pateiñ,
Ka wym em de wa pait wym em de wa sneiñ.
Ki um wa khooid wa jooh bang u dih,
Da boon ki tyllong katni da sdang kylla bih.
Wym em de u ya syndong u ya kyndiah,
Lada kamni ya ka mynried tip cheiwon u yah.
Aa Ri Jaiñtia wa maya to tia chaphrang,
Hanla ha pyrdi uni u riat næ u synrang.
Sa chisien, i naam yong pha daw wan biang ki,
Yow chong suk chong saiñ biang ki khon ka Ri.
Discussion about this post