U Montri Rangbah ka jylla, u Conrad K Sangma ynne da booh mooyurim u wow chna yaka Artificial Football Turf ha Umbuda Football Ground, Ri-Bhoi hei emlang u Montri ka chnat Sports, u Shakliar Warjri heiwa u chna ya kani ka madan hei dor wa Rs. 10.93 klur.
U Conrad hawa e yei klam da ong u wa ki khynroo ye ki u ku ha ki yalehke Sports wei wow wanrah burom ya ka jylla du deiwa wailaad ya ki wow ku ki.
Da ong u wa katni ki kreh wa Rs. 700 klur wa pynkrehkaam ha ka jylla wow pynku ya ki jait yalehke waphær waphær wei kamwa Rs. 400 klur neibynta u snem mang tangka wow wan yow pynchna hi ya ki thaw yalehke.
Chooh chooh da ong u wa ka sorkar da booh bhah ko ha ka mang tangka wa Rs. 2800 klur wa katni neibynta ki khynroo neibynta ki kaam yalehke Sport, i rwai i siaw, i seiñ kreh wa kiwi kiwi yow ye ki u sai yei sap yong ki.
Heiyatoh wa ki kaam pynroi, u Conrad da ong u wa ka jylla emkaam u ku ko wei itæ ymtoh u kut i du ha Shillong, Tura wa Jowai tangwa ha waroh ki chnong wa ki Constituency ha ka jylla. Da ong u leh wa em 20 tylli ki madan Artificial Turf ki wow chna ha ki thaw palatsor ka jylla.
Da kyntu u leh ya ki khynroo wow chim kabu ya ki thaw yalehke wa da chna ka sorkar ha kylleiñ ka jylla deiwa pynrap wa kiwa em i sap toh kiwa da kyrkhu da i stat i tip wei ymtoh wow pynsepai ya i sap yong ki.
Discussion about this post