Ha ka mang tangka 2026-27 wa dang dep wanrah, neibynta ka kaam uiñke suwari kawa man kam kawi na kawa ku wa da san bha ki kaam hapoh ka jylla Meghalaya heiwa ka sorkar da ong ko wa kiwa yoh khih yoh khan na ki jait wa yatoh wa ini da ku na 50,000 ngut ha u 2022 cha jan dap 75,000 kattæ, wei ki kamra sah da ku na 6,000 tylli cha palat 10,000 tylli.
Kamtæ ha uni u snem mang tangka wa thymme daw pynku pynheh ya ki 1000 tylli ki Homestay hapoh ka Chief Minister’s Meghalaya Homestay Mission deiwa e da ka Subsidy wa Rs. 7 lak yow chna ya kiwa dang thymme wei daw e won ka Grant wa Rs. 2 lak cha kiwa da em chwa katwa ki Homestay kiwa rap daw yoh ki ka Subsidy kawa hadooh Rs. 36 lak.
Yow leh yeini waroh da booh bhah Rs. 70 klur.
Daw chna leh ya ki Convention Centre wa man katkam ka juk wa katni ha Nongpoh, Williamnagar, Resubelpara, Mairang, Mawkyrwat, Nongstoin wa Khliehriat ha u 2026-26 hei lut wa Rs. 30 klur.
Kam chibynta won ka thong wow pynman ya ki thaw uiñke suwari kam ki Global Standard Destination ha Meghalaya, da jied ya ka Umiam, Sohra, Dawki-Shnongpdeng wa Nokrek yow pynkylla dur ki.
Yow leh yeini daw pynlut mar Rs. 100 klur ha ki ar snem wow wan.
Neibynta won kiwa chong chnong kiwa seiñkhih neibynta ki kaam Tourism, da wanrah ki Tourism Vehicle Scheme, ki Tourism Buddy Programme, ki Hospitality Scholarship wa i yarap ya ki chnong kiwa pynlai ya ki kaam uiñke suwari wei kawi pa kawi kani ka thong toh yow pynman ya kiwa uiñke suwari yow sah ki rap slem yow yoh kamai rap boon kiwa em ha ini i kaam.
Yow leh yeini da booh bhah Rs. 162 klur.
Discussion about this post