U Symbood Montri Rangbah ka jylla, u Sniawbhalang Dhar, da wan u wow chimbynta ha ka yalang lehkmen Chaad Sukkara kawa da pynman da ka Seiñ Raij Jalaphet kawa man kam chibynta ka riti dustur yong ka jaitbru.
Ha kani ka sngi kyrpang, u Sniawbhalang da pynbna u ka yarap poisa kawa dapoi hadooh Rs. 15 lak yow kyrchaan ya ki kaam pynroi wei wow kyntu leh ya ka dustur riti hapoh ka Seiñ Raij Jalaphet wei kani ka yarap pynyoo ko leh yei angnood ka sorkar wow yada wei wow pynneh ya ka riti dustur tynre.
Da emlang leh ha kani ka sngi wa ka Santa Mary Shylla, MLA ka Sutnga-Saipung Constituency, kawa da e yaroh yeini wei da pynsñiaw ko leh yeiwa emkaam wow yada yei man tynre wa ya ka dustur riti ka jaitbru.
U Sniawbhalang hawa e yei klam da ban joor u yeiwa emkaam wow burom wei pynneh pynsah ya ka riti dustur ka jaitbru Ynñiawtrep wei da kular u leh wow kyrchaan ya kam kini ki yalang kiwa pynyatylli ya ki paidbah wei wow pynneh pynsah ya ka riti dustur.
Ya kani ka Chaad Sukkara da wan wow chimbynta wei sakhi da kiwa yahkhmat chnong, ki dkhot ka Seiñ Raij wa ki paidbah wa boon iwa da pynman ya kani ka lehkmen kawa phooh wa phieñ wei kawa jop.
Discussion about this post