Rs. 20,000 e yarap ka Dorbar Chnong Tympang Iawmusiang yow lai yakhun ha ka NGT yei hok ka wah Myntdu

Ka Dorbar Chnong Tympang Iawmusiang, Jowai kam chimbynta wow kyrchaan ya ka Khooid Ya Ka Wah Myntdu ha i yahkhmat u Khroo L Pariat kam u President wow lai yakhun ha ka NGT Principal Bench New Delhi, yow yoh yei hok ka wah Myntdu kawa pynbiang um, bordiñ, i khyndaw u chyiap ya ki bru wa ya kiwa chong chnong ka Jowai, Mihmyntdu, Khliehtyrchi wa ya waroh ki chnong kiwa im kiwa sah tawiar ka Myntdu.

Kamtæ hei yahkhmat u A. Lywait, waheh chnong chirup wa u H. Laloo, General Secretary wa kiwi ki waheh wasian ka chnong, da e ki ya ka poisa wa Rs. 20,000 ynne ka sngi ha u Khroo L Pariat kam ka muhor wa kyrchaanlang ka chnong.

Ka chnong yooluti bha ko wa ka NGT Principal Bench New Delhi, u e ko ya i hok ka wah Myntdu yow chngaaiñ i manbru.

Ha kani ka yalang da emlang u R. Lamar, u GH Bareh, u E. Niangti wa u E. Dkhar.

Related posts

Da khut ya ki khynroo khyllood ka East wa West Jaiñtia Hills wow chimbynta ha ka Viksit Bharat Young Leaders Dialogue 2027

September 9, 2026

Da ki khon ki tngoo ki wym jooh em ha India chem na iwi i khloo ha Odisha

September 8, 2026