Ka tamasa Cherry Blossom Festival 2024 da yoh ko ya ki ar tylli ki Gold Awards ha ka WOW Awards Asia 2025, deiwa jop ha ka kyrdan “Special Event of the Year – Government/Organisation” wa ka “Festival of the Year.”
Ya ini da pynbna da u Montri ka chnat Tourism, u Paul Lyngdoh heiwa da ong u wa kani ka khusnaam tipmit ko yei rukom pynman tamasa ha kiwa boon ki liang ha kylleiñ ka Asia.
Ka tamasa toh kawa pynwyrngia ya kiwa boon heiwa kynthup ki ya ki rwai ki tem, i rukom im, i miat i thaw wei ka Cherry Blossom Festival da man ko ka tamasa wa riñ ya kiwa boon na kylleiñ ka ri wa ka pyrthai.
U Paul da e khublei u leh ya kiwa embynta ha kani katamasa kiwa da pynpawnaam ya ka Meghalaya kam ka thaw uiñke suwari.
Da pyntip u leh wa ka sorkar da pynlut ko Rs 23.5 klur wow pynman ya kiwa boon ki tamasa ynni u snem heiwa da ye wow pynmih poisa Rs. 133.42 klur iwa man 6 chah na iwa pynlut.
Ki bru wa da wan cha kini ki tamasa da em ki 3.86 lak ngut heiwa da mih 60,000 tylli ki Social Post na kini ki bru wa wan-ke wei ya ki Reel wa da pynmih da yoh ki 20 Million View.
Du na ki Ticket da yoh Rs 29.1 klur, ki Hotel da yoh ki Rs 33.8 klur wei kiwa kamai kari, ki dukan wa em ha ki chnong ki thaw da ye ki wow pynmih Rs 37.1 klur neitæ ka baam ka dih Rs 6.9 klur.
Da pyntip u leh wa em boon kiwa yoh kreh heipor wa em kini ki tamasa deiwa em 5509 ha chi sngi wa yoh kreh.
Ha uni u snem ya ka Cherry Blossom Festival u pynman ka ha ka 14 wa 15 tarik u November heiwa daw wan rwai u Jason Derulo wa ki The Script wei yow phær, ha uni u snem daw e da ki Synchronized LED-Wrist Band cha waroh.
Discussion about this post