Na ki 18 ngut kiwa da chah kem wa suba emkti heiyatoh wow sait yap ya u heh ka NCP, u Baba Siddique, da kular ya ki soo ngut Rs. 25 lak, ka kari, i yung wei wow lai ke cha Dubai.
Ini da mih pyrthai i hadien i takit ki pulit ka Mumbai Crime Branch.
Uwi na kiwa chah kem, u Ramphoolchand Kanojia da kular u yeini ya ki soo ngut hadien wa tynyap ki ya u Baba Siddique.
U Ramphoolchand Kanojia (43 snem) uwa da chah kem ha u Naichiphaw da kular u ya kini ki soo ngut wa kynthup ya u Rupesh Mohol (22 snem), Shivam Kohad (20 snem), Karan Salve (19 snem) wa u Gaurav Apune (23 snem) wow lai Dubai, ka poisa Rs. 25 lak, i yung wa ka kari wei ya ka poisa daw yoh ki na u Akhtar.
U Akhtar uwa dang yut toh uwa na Jalandhar, Punjab wei da pynkrehkaam u ya 10 tylli ki Bank Account heiyatoh wa ini i kaam heiwa da phah u Rs. 4 lak cha ki soo ngut wow leh ya ini i kaam.
U Baba Siddique da chah siat ha u ha 12 tarik u Naichiphaw ha ki soo ngut ha lait i yung u khon yong oo uwa man leh u MLA, u Zeeshan Siddique ha Bandra East. Da chah siat u na rupai wa ha u kpoh wei da kit ya oo cha Lilavati Hospital ha Mumbai, heiwa da yap noh u.
Discussion about this post