Ka sorkar da pyntip paidbah ko chaphang ka Rah-Veer (Good Samaritan Scheme) kawa man ka Scheme wa e poisa cha kitu kiwa yarap ya kiwa mynsoo hawa jia i ya tyrrah kari.
Kani ka Scheme toh yow tipmit ya kitu ki bru kiwa bha mynsien kiwa wan chakhmat wow yarap deiwa kit ya kiwa mynsoo cha ki thaw sumaar kam ki Hospital wa Trauma Care Centre.
Sa kawi ka thong toh yow e mynsien ya kitu ki bru wa e yarap smat yow lait kiwa mynsoo nei yap.
Ki jait mynsoo wa kheiñ hawa chah tyrrah kari hapoh kani ka Scheme toh kiwa emkaam yei pooid wa joor bha, kiwa hap wow sah Hospital ym duna ya ka 3 sngi, kiwa mynsoo i jabieñ, kiwa mynsoo u budloom wei kiwa yap heipor wa chah sumaar.
Ka poisa wa e cha kitu kiwa yarap ya kiwa da mynsoo man ko Rs. 25,000 ha iwi i jia ya tyrrah kari, wei lada uwa yarap ye u wow yarap ya boon ngut leh ha iwi i jia u kheiñ bait Rs. 25,000.
Lada em kiwa yarap ar ngut chaneiñ ya uwi uwa mynsoo nei chah tyrrah kari, u yoh ki Rs. 25,000 kawa dap ha ki u yabhah.
Lada kiwa mynsoo em boon ngut wei kiwa yarap leh em ki boon ngut wow pynlait im, u kheiñ Rs. 25,000 uwi uwa mynsoo.
Kini kiwa yarap ye ki wow yoh ya kani ka poisa 5 sien donhi chi snem.
Discussion about this post