Hei janmiet ka 22 tarik uni u bnai neiliang ka Dorbar Chnong Chilliangraij, Jowai da pynlait ko ya ki Ticket yong ka Lucky Draw kiwa man chibynta yong ka yaaw Fete kawa daw pynman ha ka 5 wa 6 tarik u December 2025.
Ya kini ki Ticket da pynlait paidbah da u Waheh Chnong, u Damehiwot Pde hei ya emlang u General Secretary, u O. Shylla, u Chairman ka Sports & Youth Affairs, u Heibormi Rymbai, u Secretary ka Sports & Youth Affairs, u Mayalang Lanong ryngkat i emlang ki Executive Member yong ka chnong.
Neiliang ka chnong da kyrpaad ko ya waroh wow ya chimbynta ha kani ka yaaw Fete neibynta wow kyntu kynrong ya ki kaam wa bha ha ka imlang sahlang lyngba i thied ya kini ki Ticket.
I dor kawi ka Ticket man i Rs. 50 kawi wei ki Prize man ki kamni ha wah:
1st Prize – Rs. 2,00,000, 2nd Prize – Rs. 1,00,000, 3rd Prize – Rs. 50,000.
Discussion about this post