U Montri Rangbah ka jylla, u Conrad Sangma ynne hawa e yei jubab hapoh ka yung dorbar chna aiñ da pyntip u wa i pynkreh yow man kam ki Smart Town hapoh ka jylla toh du neibynta ka chnong Jowai wa Tura.
Neibynta ka Tura da booh bhah Rs. 338.152 klur katwa yaka Jowai won Rs. 79.8 klur.
U Conrad da pyntip u leh wa kamwa man kattæ ym em i thmu wow pynboon chooh chooh ya kini ki Smart Town hanla ka sorkar kwah ko wow pynman ya waroh ki District Head Quarter kam ki Smart Town wei ye u leh won suki suki ha ki por wa wan.
Chooh chooh da pynche u wa ym em ka kyndon wa da booh wow jied yow man kam ki Smart Town wei da wanrah ya ki Smart Town toh yow em i ya krehlang da kiwa boon ki chnat sorkar hawa wanrah ki ya kiwon kiwon ki kaam pynroi wei wow kreh heitæ i rukom wow myntoi ki paidbah.
Da ong u leh wa hawa da pynkhreh yaka Smart City ha Shillong emkaam leh wow pyrkhat ya kiwi ki chnong wa heh wa em ha Jaiñtia Hills wa Garo Hills.
Neiliang u Nujorki Sungoh, MLA ka Mowkaiaw hawa chimbynta da kylli u wa lada ka Footpath wa em hajan ka Kiang Nangbah Govt College kawa da chna miat du kattu katni Meter donhi lada man ko kam chibynta ka Smart Town wei lada ye waroh ki Footpath ha Jowai toh u miat ki kamni.
Neiliang u Conrad da kular u wow chimkhia u pait yeini.
Discussion about this post