I roi kiwa pynemkaam drugs hapoh ka jylla Meghalaya toh kawa pynsñiawkhia ya kiwa boon walang wei ki yukylli kiwa da mih na kiwa boon toh kammon da yoh u soohthied hadooh katni, khamtam ha nongbah Shillong.
Nei phla uwi u khynroo wa da yoh ksoh da ki dkhot ka Hynniewtrep Youth Council (HYC) ynne ka sngi, da khana u deiwa chrai hajrong i wym biang i kaam i jaam, wei da khana u wa u pulit kamai u hadooh 30-40 hajar chi sngi.
Da khana u leh wa ki bru kiwa wanrah yow dai yei drugs toh kiwa na baar kam na Manipur wei ki Khasi ki wym em kreh da pyndai lang ki neidaw wa da yoh hadooh Rs. 4000 chi sngi.
Ki dkhot ka HYC da yoh ksoh ki hadooh 15 ngut kiwa dih drugs wei ar ngut na kini toh kiwa khayi drugs, wei ya kini ki bru da yoh wow ksoh nadien ka Shillong Civil Hospital, ka thaw wa jooh leh ya ka Post-Mortem.
Ki dkhot ka HYC da thang syndon ki yei drugs wa da yoh u kem na kitai ki bru.
Discussion about this post