Kam chibynta wow kyrchaan poisa ya ki Self Help Group (SHG) kiwa leh ya kiwa boon ki kaam hapoh ka National Rural Livelihood Mission (NRLM), da jied ya ki SHG wa Cluster Level Federation (CLF) wa em hapoh ka Saipung wa Lumshnong Block heiwa ha ka 27 tarik da yoh ki ya ki Cheque wa ki Sanction Order kam chibynta ka Lakhpati Didi Initiative & Livelihood Promotion ha ka yalang wa da pynman ha Sutnga Community Hall, East Jaiñtia Hills District.
Waroh ki Cheque wa da saam dapoi hadooh Rs.46,49,527 kam ka Community Fund cha ki SHG wa CLF heiwa Rs.16,00,000 toh kawa da e lyngba ka District Mineral Foundation (DMF), East Jaintia Hills District, ka Rs. 29,62,027 kam ka Viability Gap Fund (VGF) hapoh ka Lakhpati Didi Initiative, Rs.12,500 kam ka Startup Fund wa Rs.75,000 won ka Revolving Fund (RF) kawa hapoh ka Lakhpati Didi Initiative hi.
Ha kani ka sngi da e leh ki ram na ki Bank wa poi Rs.70,50,000 cha ki 28 tylli ki Self Help Group wa em hapoh ka Wapung wa Saipung Block.
Ha kani ka yalang da emlang ka MLA ka Sutnga-Saipung, ka Santa Mary Shylla kawa da ong wa i em ki SHG da pynku ko yei kamai ki kynthai wei hapoh ka East Jaiñtia Hills District da em 2929 tylli ki Self Help Group wa 17 tylli ki Cluster Level Federation.
Da khana ko leh wa dang chna ya ka SHG Sale Outlet ha pchem ka yung krehkaam u DC ha Khliehriat yow yoh thaw dai ya ki mar wa da pynmih nadooh ki baam, ki Jam, ki umsoh wa kiwi de.
Neiliang won u DC ka District, u Shivansh Awasthi da khana u wa lyngba ka DMF da e yarap mar Rs. 2 lak cha ki 8 tylli ki CLF wa em ha ki thaw wa chah ktah nei tih marpohkhyndaw yow chna ki ya ki Office.
Ha kani ka sngi da wai leh ya ka Pig Hostel wa em ha Lamyrsiang kawa da chna da ka poisa napoh ka DMF, East Jaiñtia Hills District ka wow pynlai da ka VO ka Lamyrsiang.
Discussion about this post