Ka Waikhyrwi Sports Club and Social Organisation, Dkhiah West daw pynman biang ko ya ka lympung yalehbol ha uni u snem kawa tip kam ka “17th Prize Money Knockout Football Tournament 2025” ha Teilang Playground, Dkhiah West kam chibynta wow pynmih poisa ya ka Club kamjooh wow pynku leh ya ka sap yalehbol ki khynroo ka thaaiñ.
Da pyntip leh wa u pdiang 32 tylli donhi ki Team kat kiwa wan chwa (First come first serve).
Ka song poisa ka yalehke ha uni u snem dapoi ko waroh Rs. 5 lak kawa da yabhah kamni:
Winner- Rs. 3,00,000 + Trophy
Runner Up- Rs. 2,00,000 + Trophy
Ka Entry Fee won man ko Rs. 6,500.
Ka yalehke u pynlai katkam ki kyndon yong ka Waikhyrwi Sports Club and Social Organisation wei ka tarik pynkhle nasib u man ko ha ka 18-09-25 heipor 3:00 waje i sngi ha Teilang Playground, Dkhiah West.
Kamtæ da khut da wer ya ki Club kiwa najan najngai wow ya chimbynta ha kani ka Tournament.
Yow tip bniah ye phi wow Phone ha u Spearly Dkhar, Secretary Tournament (9366371724), ha u Pynlumlang Ksoo, President Tournament (8837075057), ha u Heplang Bareh, Secretary WSCSO (7005940978), ha u Wanshirup Tlang, Member (7005859112) wa ha u Teilang Phawa, Member (9436115015).
Discussion about this post