Ka Dorbar Tlang yong ka JHADC da man ko ynne ka sngi heiwa u Leader of Opposition, u Andrew Shullai da kylli u wa katwon tylli ki NOC wa da e ka Council cha ki karkhana pynmih Khyndawbilat nadooh ka 1 tarik u Naichiphaw 2023 hadooh 30 tarik u Naikhynde 2024.
Hawa jubab yeini, u CEM, u Thombor Shiwat da khana u wa da e kawi wei katæ toh ya ka Meghatop Pvt. Cement Ltd kawa em ha Elaka Narpuh ka wow pynmih 30 Million TPA i Khyndawbilat.
Chooh chooh u Andrew da kylli u lada em i kylla ha ki kyndon kani ka NOC, yeiwa u Thombor da khana u wa ki kyndon man ki i jooh kam ki warim.
Heiyatoh won wa i kylli u Andrew katwon yoh dan ka Council na ki yaaw yong ka Council nadooh 1 tarik u Naitung 2023 hadooh 30 tarik u Naikhynde 2024.
Hajrong ini neiliang u E. Teron, EM wa pait ya ki yaaw ki haat da khana u wa da yoh Rs. 54,24,606.
Discussion about this post