U Montri Rangbahdooh ka ri, u Narendra Modi ynne da booh mooyurim u wow chna pynmiat ya ki 23 tylli ki Railway Sation hapoh ki 6 tylli ki jylla ka thaaiñ mihsngi wa em hapoh ka Northeast Frontier Railway (NFR) ha i lut wa Rs. 685.32 klur.
U heh ka NFR da ong u wa 23 tylli ki Station ki wow chna pynmiat kynthup ki ya 11 tylli ha Assam, 6 ha West Bengal, 3 ha Bihar wa mar kawi ha Mizoram, Sikkim wa Tripura.
Ki 11 tylli ha Assam kynthup ki ya ka Haibargaon, Gohpur, Harmuti, Majbat, Pathshala, Tangla, Udalguri, Viswanath Chariali, Murkongselek, North Lakhimpur wa Silapathar.
Ki 6 tylli ha West Bengal toh ka Balurghat, Bhaluka Road, Harishchandrapur, Kumedpur Junction, Malda Court wa Siliguri katwa ki 3 tylli ha Bihar toh ka Arariya Court, Labha wa Salmari.
Ha Mizoram, Sikkim wa Tripura ki wow chna pynmiat toh ka Sairang, Rangpo wa Agartala.
Discussion about this post