Ki paidbah wa da wan wow kyrchaan ya jar jiar ki kyrtong ynnin ka sngi wa niaw Vote ya ka Election MLA 2023 ha Jowai da man ki kiwa ryntih ki wym em pynmih kulmar wei deiwa kreh chitom ki pulit, da kær leh ya kiwa boon ki bynta ki wow lai cha yung krehkaam u DC, Jowai.
Ha uni u snem i khmat ka yung krehkaam u DC da man ko kawa kyllooid iwa da pynsuk leh yei lai i wan ki kyrtong kamjooh kiwa kreh Election.
Hadooh wa kut ka niaw Vote waroh i jait man i iwa lai bait hadooh wa liwan kiwa kyrchaan cha jar jiar ki chnong.
Hei miet won da em kiwa kyrchaan u kyrtong ka NPP na Amlarem ki wym em hun yeiwa niaw Vote kiwa da dawa wow niaw deiwi deiwa pynbaad wa em i leh chiliang hawa niaw ya ki Vote.
Kini da neh ki chajan yung krehkaam u DC hadooh wa miet bha wei da maham ki leh wow leh ya ki kaam wa sih, heiwa neiliang u DC ym yohsa de khlem da pynkrehkaam da ka Section 144.
Ha kiwi ki chnong won da mih leh i kulmar kam ha Sahsniang wa da pynkrehkaam da ka Curfew wa kamjooh ha Nangbah.
