Hadien wa pyndep yei niaw Vote ynnin ka 2 tarik, heipor miet da em ki bru kiwa da muaid kiwa da yalang cha rood ka yung krehkaam u DC, Jowai kiwa em rap boon ngut wei kini ki bru da maham ki leh wow leh ya ki kaam pynmynsoo ya ki heh sorkar kamjooh wow tympra ya ki yung sorkar.
Deiwa pyrkhat wa kini ki bru ye ki wow nang boon wei ye ki wow toor leh chapoh ka yung krehkaam u DC iwa ye u wanrah yei mynsoo mynsnaam wei lada ym leh iyi iyi ye wow poi chei chah thang wei chah ktah ka yung krehkaam wa ka thaw ka bhaw hadooh wow dooh yei mynsien bru wei daw ktah leh yei krehkaam ka aiñ.
Kamtæ u B.S. Sohliya, IAS, District Magistrate, West Jaintia Hills District da pynkrehkaam u ya ka Section 144 Cr.PC yow khang yei yalang palat 5 ngut ki bru hapoh 100 Meter na ka yung krehkaam u DC hadooh wa pynmih hukum da kamwi.