U montri rangbah ka jylla u Conrad Sangma da pyntip u ynne i miet wa da em sa 10 ngut kiwa da pyntikna wa yoh COVID-19 ha Shillong.
Da pyntip u wa na kini, 7 ngut toh kiwa liwan na Delhi, Kolkata, Guwahati, Chennai wa na kiwi ki thaw.
Da pyntip u leh wa ki 2 ngut toh kiwa yajan wa uwa yoh COVID-19 katwa 1 won toh wa chah sumaar ha NEIGRIHMS.
Katkam wa pynbna u Conrad, kiwa dang em ya uni u khñiang da em ki 139 ngut hapoh ka jylla.
Neiliang u Conrad ynne ka sngi da pynbna nyngkong u wa em 28 ngut ki BSF wa yoh COVID-19, pynbood won sa 26 ngut biang ki BSF kiwa waroh na Shillong, wei hadien ini da em won sa 3 ngut ki BSF kiwa yoh COVID-19 ha Tura iwa da pyntikna leh da u montri i chait i khiah u AL Hek wa na u DC ka Tura.
