Ka Ministry of Health & Family Welfare (MoHFW) ka ri, da pyntikna ko wa hadooh ynne i step 9:00 waje da em waroh 166 ngut wa yoh ya u COVID-19 hapoh India iwa mut da ku i da 15 ngut nadooh 5:15 ynnin i janmiet ka 18 tarik heiwa da em 151 ngut kiwa da yoh ya uni u khñiang.
Na kini ki 166 ngut, 141 ngut toh ki nong India katwa 25 ngut won toh kiwa na baar ri iwa mut kiwa dang em ya uni u khñiang (Active Case).
Na ki 166 ngut, 15 ngut toh kiwa da chait hadien wa chah sumaar ki wei kiwa da yoh liwan cha yung wei kini toh ha New Delhi, Kerala, Rajasthan, Telangana wa ha Uttar Pradesh.
Kiwa da yap na uni u khñiang hapoh India em ki 3 ngut wei kini toh ha Delhi, Karnataka wa ha Maharashtra.
Chooh chooh ki jylla wa da chah ktah joor dooh toh ka Maharashtra kawa da em 45 ngut wa da yoh ya uni u khñiang (3 ngut ki baar ri), ka Kerala wa em 27 ngut (2 ngut ki baar ri), Haryana 17 ngut (14 ngut ki nong Italy), Uttar Pradesh da em 17 ngut (uwi na baar ri).
Discussion about this post