Sa 3 ngut ki bru Nigeria yoh kem ki pulit ka EJH kiwa pisah tooh chapoh ka ri

Khliehriat: Katkam ka yutip na ki pulit da ong wa ha ka 15 tarik uni u bnai heipor kamwa 12:30 i synyaw da chem ya ki 3 ngut ki bru kiwa na Nigeria wei da chem ya ki da ki pulit ka Ratacherra CP.

Kini ki 3 ngut toh kiwa chong ha kawi ka Night Super Bus wa em u No. AS-01-KC-0299 kawa na Agartala wa lai cha Guwahati.

Hadien wa takit ya kini ki 3 ngut, neiliang yong ki ymye ki wow sai ya kiwon kiwon ki kot ki sla wow chah ya ki wow psiah cha India wei da kem noh ya ki.

Ya kini ki 3 ngut da tip kam u Ojbonna Chinudu uwa 32 snem, u Onyekachi Nnadi uwa 32 snem wa u Chiwendu uwa 47 snem i rta wei kini waroh toh kiwa na ka ri Nigeria.

Heiyatoh wa ini da register ya ka case ha Lumshnong PS wei da pynman ya ka takit.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Da ini i kem ya kini ki 3 ngut, ki pulit ka East Jaiñtia Hills da yoh ki wow kem hadooh 22 ngut ki bru wa wan psiah tooh chapoh ka ri hapoh 2 bnai.

Neiliang u SP ka District da pyntip u leh wa ki pulit da man ki kiwa husiar ya kam kini ki kaam.