Ka Hynniewtrep Youths’ Council (HYC) ynne ka sngi da yoh biang ko wow phah sa 3 ngut ki khynroo wa ngop ha u Drugs cha ka Alive Again Foundation ka thaw sumaar wa em ha Assam.
Hawa yaklam wa u Isaac W Basaiawmoit, Secretary ka HYC da ong u wa nadooh ka 2 tarik wa da pynbna ya ka thma pyrchah Drugs ha u Wisu (Mar) 2024, ka seiñ khlem chong da lai ko ha kylleiñ ki thaw, ym du wow kynreh næ thang ya ki Drugs hadien wa da khyrrup ya ki, tangwa ka seiñ da phah ko leh ya ki khynroo wow chah sumaar ki.
Da pyntip u leh wa ini man i ka wat wa phra, wei la kamwa 24 ngut wa da phah sumaar.
Da sñiawkmen u leh wa ki paidbah da yakrehlang ki khamtam ki manyung kiwa chem chitom dei kyrmen yei krehlang ki paidbah sam chaphrang.
Kani toh katkam ka Wyrta wa phah da u Publicity Secretary ka seiñ, u Bashan Lyngdoh Mawnai.
Discussion about this post