Sa 3 ngut ynnin ka sngi kiwa yoh kjut nei baam tit ha chnong Lamin, West Jaiñtia Hills District kiwa dang em hapyrdi i chah sumaar ha Jowai da kyrriah noh cha NEIGRIHMS Shillong na i daw wa joor i chitom.
Kini ki 3 ngut kynthup ya u Lapynshai Khonglah, u Amstrong Khonglah waka Synran Khonglah.
Neitæ won u Dimah Gashnga uwa da kyrriah chwa cha Shillong leh dang em u hapyrdi i chitom joor hapoh ICU ha Woodland Hospital.
Kam wow pynkynmoo wa hadooh 18 ngut kiwa da yoh kjut naki le tylli ki manyung ha chnong Lamin haka sngi Wednesday waka Thursday ka tayaw wa da dep na i daw wa baam tit, wei napyrdi kitai ki 18 ngut, 2 ngut da khlaad noh haka sngi Bibar, 6 ngut da chiat ki wei da yoh ki wow liwan yung haka sngi nyngkong, 6 ngut dang em ki ha i sumaar ha Jowai wa 4 ngut da kyrriah chaki thaw sumaar wa em ha Shillong.
Discussion about this post