15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Sa 31 ngut kiwa yoh COVID-19 ha Assam

0 Comments

U montri i chait i khiah ka Assam u Himanta Biswa Sarma ynne ka 20 tarik da pynbna u hadooh soo sien yeiwa em kiwa yoh thymme ya u COVID-19 ha Assam kiwa da poi 31 ngut.

Nyngkong da pynbna u wa da em 13 ngut kiwa yoh thymme kiwa 8 ngut na Hojai, 2 ngut na Sonitpur wa mar uwi na Kamrup Metro, Kamrup wa Nagaon.

Hadien ini da pynbna u wa da em uwi uwa na Karimganj wa yoh ya uni u khñiang khlam.

Pynbood sa 14 ngut kiwa waroh napoh ka Sarusajai Quarantine Centre.

Khaddooh heipor pyrdi synyaw da pyntip u wa da em sa 3 ngut kiwa yoh COVID-19 ha Barpeta Medical College wei yaki Test leh da leh ha kani hi ka thaw sumaar.

Da pynbna u leh wa da em 7 ngut kiwa da chait wa kynthup ya u Dr. Likhithesh Das na GMCH, 2 ngut kiwa na Jorhat Medical College & Hospital wa 4 ngut na Silchar Medical College & Hospital.

Wa kini waroh da poi kiwa yoh COVID-19 ha Assam cha ka 188 ngut, heiwa na kini 48 ngut toh kiwa da chait, 133 ngut kiwa dang em ya uni u khñiang 4 ngut kiwa yap wa 3 ngut kiwa da yoh u mih napoh ka jylla.

Previous
Next

0 Comments

Leave a Reply