Ka jylla Assam ynne da yoh ko sa 4 ngut kiwa em ya u khñiang COVID-19 iwa da pyntikna da u Health Minister yong ka u Himanta Biswa Sarma wei kini ki bru toh kiwa lai chimbynta haka yalang niam Tablighi Jamaat ha Nizamuddin Markaj, Delhi.
Ya kini ki 4 ngut da Test yaki ha Guwahati Medical College Hospital wei da tip pyrtuid yaki kam u Md. Arsad Ali (19 snem) na Nalbari, u Md. Hazrat Ali (60 snem) na Jagiroad, u Md. Nurrudin (55 snem) na Jagiroad wa u Md. Joban Ali (46 snem) na Jagiroad.
Wa kini ki 4 ngut, kiwa yoh COVID-19 ha Assam da poi ki 5 ngut.
Sa 4 ngut kiwa na Assam kiwa lai cha kani ka yalang niam leh da yoh ki ya u COVID-19 hadien wa dep Test yaki ha Delhi wei dang chah ki sumaar ki ha Delhi hi.
U Health Minister da pyntip u wa kini toh u Naskar Ali (72 snem) na Baska District, u Faharuddin (48 snem) na Baska District, u Mustafa Ahmed (60 snem) na Barpeta wa u Mohammad Ali (65 snem) uwa na Nagaon.
Ynnin ka sngi, uwi u bru wa 52 snem uwa na Badarpur, Karimganj District hadien wa dep Test ya oo da pyntikna wa da yoh u ya uni u khñiang wei da tip ya oo kam u Jamaluddin na chnong Hassanpur wa em hajan Badarpur.
U Health Minister leh da pyntip u wa 4-5 ngut ki bru leh da dep Test wa pynyoo wa yoh ki ya u COVID-19 ha Jorhat Medical College Hospital hadien wa leh yaka Screening wa nyngkong wei dang yang yei pyntikna ka National Institute of Virology, Pune chwa wow tikna.
Discussion about this post