Kiwa yoh COVID-19 ha Manipur da em ki 970 ngut hadooh ynne i miet deiwa em sa 49 ngut kiwa yoh COVID-19 ha kini ki 24 kynta.
Katkam wa pyntip ka COVID-19 Common Control Room, naki 970 ngut, 642 ngut toh kiwa dang em ya uni u khñiang katwa 328 ngut da chait ki. Kiwa chait da man ki 33.81% da pyntip chooh chooh.
Naki 49 ngut kiwa dang yoh, 11 ngut toh na Churachandpur, 3 ngut na Imphal West, mar 2 ngut Imphal East, Kangpokpi wa Tamenglong, wa mar 1 na Jiribam, Noney wa Thoubal, mar 5 ngut na Kakching, Kamjong wa Senapati wa 11 ngut na Ukhrul. Waroh kini toh kiwa liwan na baar jylla.
Ynne da em leh 70 ngut kiwa da chait hadien wa da Test yaki daka RT-PCR.
Ki District wa boon dooh wa yoh COVID-19 toh ka Tamenglong (89), Ukhrul (85) wa Kangpokpi (83).