15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Sa 88 ngut wa yoh ya u COVID-19 hapoh ka Diamond Princess

0 Comments
Advertisement ad1

Ka chnat i chait i khiah ka sorkar Japan ynne da pyntikna ko wa da em sa 88 ngut wa yoh ya u khñiang COVID-19 hapoh ka jhaad Diamond Princess.

Wa kini ki 88 ngut da pytikna wa kiwa yoh ya u khñiang hapoh ka jhaad da kynjoh i cha ka 542 ngut.

Kani ka jhaad toh kawa chah khang kset (Quarantine) harood ka sorbah Yokohama nadooh ka 3 tarik uni u bnai.

Kini kiwa da yoh ya uni u khñiang kynthup ki ym du ya kiwa chong uiñke (passengers) tangwa wot kiwa da kreh hapoh yong ka jhaad.

Ka sorkar Japan da thmu ko wow pynlait noh ya kiwa ym em ya uni u khñiang hapoh kani ka jhaad tangwa i pynbna won ko wa em sa 88 ngut kiwa dang yoh ya oo da pynartatien i ya ka hajrong ini i thmu.

Ynnin neiliang ka ri United States of America da lithooh ko ya ki bru yong ka na kani ka jjaad heiwa da chem wa em 14 ngut na ki toh kiwa da em ya u COVID-19.

Share this:
Previous

La T. 323 Klur pynlait poisa ka Ministry of HRD ya ka sorkar jylla

Next

Dawa ka JYF Women’s Wing wow pynyoh tulop noh ya ki wakreh ka JHADC