theme-sticky-logo-alt
theme-logo-alt

Sa 95 ngut donhi ki bru chipai kiwa dang em ya u COVID-19 ha Meghalaya

Ki bru chipai kiwa dang em ya u khñiang COVID-19 da em ki sa du 95 ngut hapoh Meghalaya hadien wa em 55 ngut naki kiwa dang chait ynne ka 27 tarik.

Ki bru chipai kiwa dang em ya uni u khñiang da em ha ki 4 tylli ki District kitæ ha East Khasi Hills, South West Garo Hills, Ri Bhoi wa ha West Garo Hills iwa katkam wa man ynne ka sngi.

Na kini ki 95 ngut, 51 ngut toh ki BSF katwa 44 ngut won toh na kiwi ki chnat chipai.

Ki BSF da em ki 12 ngut ha East Khasi Hills, 36 ngut ha West Garo Hills wa 3 ngut ha South West Garo Hills.

Ki chipai na kiwi ki chnat kiwa ym toh ki BSF da em ki 36 ngut ha East Khasi Hills wa 8 ngut ha Ri Bhoi.

Kam wow pynkynmoo wa kiwa dang em ya uni u khñiang hapoh ka jylla da em ki 1480 ngut katwa ki bru chipai da em ki 95 ngut iwa man du 6.41%.

Share this:
Previous

Hadooh 1.2 Million ngut kiwa wan uiñke chapoh jylla ha u 2019: Conrad

Next

U pteiñ biang ka Night Curfew ha East Khasi Hills nadooh ka 28 tarik