U Montri wa pait ya ka chnat bording (Power), u Abu Taher Mondal da e dak u wa boi ki paidbah ka jylla daw hap chong ki hei doom siendon lada ka nan Umïam duna um ko sa chi phut.
Hawa yaklam wa kiwa pathai khubor da ong u wa lada ka um ha Umïam u duna ko sa chi phut, ka chnat ym yohsa ko wow sangeh i pynmih bordiñ na kani ka thaw.
Da ong u wa ka um ha Umïam da duna ware ko chawa palat ha kani ka kynti, heiwa em sa du kamwa 3165 phut iwa duna dooh lada ya nujor wa ki por wa da dep, wei lada dang duna chooh chooh ko neiwa man katni daw hap khang noh yei pynmih bordiñ na kani ka Dam.
Da ong u wa lada hap sangeh u pynmih bordiñ na Umïam toh neidaw wa da booh wa ye ko u pynmih bordiñ du kat hadooh wa em ka um katni, wei lada duna palat yeini tæ daw hap khang yei pynmih bordiñ.
U Mondal da ong u wa i tymplæh bordiñ namo ka Load Shedding daw pteiñ ko kamwa man katni wei heijooh i por da ong u wa lada slap daw em i kyrmen wow pyndap ya ka bordiñ.
