Jowai: Ka seiñ AJHSWO kamwa da kular ko wow e sñiawbha yaka Signboard wa da thoh i ktien Khasi sa cha u DTO ka EJH hadien wa da dep leh ya ini i jooh ha yung krehkaam u DTO ka WJH, ynne ka 19 tarik ka seiñ da lai e sñiawbha ko yaka Signboard cha ka yung krehkaam u DTO ka EJH wei da chimkti yaka da u DTO u D. Lamin.
Ini i e sñiawbha man ko kam chibynta wow pynsuk næ yarap ya kitu ki paidbah ki wym tip bha wow puræ ya i ktien phareng yow pynsuk ya kitu kiwa yaleh License yah kari.
Kam wow pynkynmoo wa haka 12-11-2019, ka seiñ da dep ko wow e sñiawbha ya ini i jooh ha u DTO ka WJH, wei da kular ha katai ka sngi wow leh ya ini i jooh ha EJH.
Neiliang u DTO ka EJH hadien wa e kti ya kani Signboard, da yaroh u yei krehkaam ka seiñ khamtam ha kam kini ki bynta wow e yarap ya u paidbah, neiliang yong oo da pynsñiaw u yei wym biang ki wakreh nadooh ki LDA, Enforcement Inspector, Peon kamtæ neiliang ka seiñ ka da sñiawkhia ko yei duna ki wakreh kani ka chnat, wei da kyntu ko ko ya u Transport Commissioner wa ya u montri wa pait yaka chnat Transport wow chimkhia wow pynbiang ya ki wakreh khnang wow suk ki paidbah.
Ini toh katkam ka khubor na u Vice President ka AJHSWO u Moonlight Daw.
Also Read: E sñiawbha ka AJHSWO da ka Traffic Signboard wa thoh da i ktien Khasi cha u DTO ka Jowai
Discussion about this post