Ka Harijan Panchayat Committee (HPC) da paan por biang ko naka sorkar jylla yow yaklam sa kawi ka yalang hachwa wow kyrriah noh yaki bru kiwa sah ha Them Ïewmawlong, wei kani ka yalang kawa ye u man kawa khaddooh, da booh u pynman biang haka tayaaw wa nyngkong u bnai wow wan.
Hawa klam hadien ka yalang ynne ka sngi, u General Secretary ka Delhi Gurudwara Committee, u Jagdeep Singh da ong u wa ka yalang toh kawa mihsoh heiwa da yaklam ya kiwa boon ki kam tangwa ym pu ye u rai khaddooh wei da rai wow pynman sa kawi ka yalang haka tayaaw wa nyngkong u Naiynru wow wan.
Hawa kylli hajrong i chem ka RTI ka HYC wa ong em du 194 tylli ki manyung kiwa man kam kiwa kreh ka Shillong Municipal Board, da ong u wa ini ymtoh iwa sakhiat neibhah ka Survey da leh ha u snem 2007, wei da yoh leh yei yukheiñ yei em ki manyung ha Them Ïewmawlong.
Hawa kylli yaki phang wa yaklam, u Singh da ong u wym pu man u khana neibhah wa daw hap ya syllok waki bru yong ki kiwa sah ha katai ka thaw.
Neiliang u Secretary ka HPC, u Gurjeet Singh da ong u wa na ki 342 tylli ki manyung em kiwa kreh sorkar wei em leh ki bei ki pa kiwa nachwa kiwa jooh kreh sorkar.
Discussion about this post