Ki chipai duriaw ka ri India namo ka Indian Navy haka 8 tarik u Naisan da sdang ki yaka Operation Samudra Setu (Sea Bridge) yow lithooh yaki tre ri kiwa sahkut cha kiwi ki ri, wei deiwa pynemkaam daka jhaad Jalashwa wa Magar da dep ki wow lithooh ya 2874 ngut na Maldives wa Sri Lanka deiwa kit yaki cha thaw sangeh jhaad wa em ha Kochi wa Tuticorin.
Kattu won, ka Samudra Setu lyngba ka jhaad INS Shardul da lai thooh ko nadooh myntu ka 8 tarik yaki nong India na thaw sangeh jhaad wa tip kam i Port of Bandar Abbas wa em ha Islamic Republic of Iran, yow kit yaki cha Porbandar, Gujarat. Neiliang ka Indian Mission wa em ha Islamic Republic of Iran da pynkhreh ki yei pyrtuid ki nong India kiwa hap li thooh wei wow leh yeiwa emkaam chwa wow mih ki.
Hapoh ka jhaad INS Shradul da pynkhreh ko wow leh yaka Social Distancing deiwa pynbiang leh ki doctor, ki bru wa chemphang heiyatoh wa i baam, ki tiar yada wa kiwi kiwi kiwa emkaam wow yada nei poor u khñiang COVID-19.
Hapoh ka jhaad da pynkhreh leh yaki thaw sah wow chong samen samen lada emkaam deiwa pynkhreh leh lada jia kiwa em kiwa rah ya uni u khñiang kiwa ym em ki dak ki chin wa chitom ki.