Ka JSU da yachem ko wa u Commissioner & Secretary ka chnat Personnel & Administrative Reforms ka sorkar Meghalaya yow dawa pynsangeh chwa ya ki Exam wa daw pynman da ka DSC ka West Jaiñtia Hills District.
Da e daw wa tang ka Result ka Grade-IV kawa dadep pynman heiwa ya ka Personal Interview da pynman ha u June 2026 ym pu em pynbna Result.
Ka seiñ da ong ko wa em ko leh ki sabut wa ya ki OMR Sheet ki wym em tang u pyndap da kiwa thoh Exam tangwa da em wa pyndap ki hadien wa thoh Exam deiwa leh thok.
Chooh chooh da ong wa da tip tikna leh wa ki Marks da em wa pynlait tooh ki chwa u pynbna Result wei yeini da leh da u bru uwa yajan bha wa u DC.
Da ong leh wa em i wym khooid i rukom pynman Exam ka DSC kam ha ka Exam neibynta ka LDA heiwa kiwa yoh du 3 Marks leh da chah jied ki wow leh Interview wei ini da pynsuba leh kamjooh neibynta ki kreh Grade-IV.
Da artatien leh yei rukom pynslem yei lai rah ya ki OMR Sheet cha ki Strong Room ka Agency wa pynbait namo kawa leh Evaluation neibhah i pynslem e laad ko ya kiwa leh thok.
Chooh chooh da ong wa kattæ em leh ka mukotduma pyrchah ya ka DSC ha ka High Court wei u lai cha khmat wow pynman yei yaleh kreh ye ko wow wanrah yei chitom hadien habood.
Hajrong ini da dawa wow pynsangeh chna lane wow pyndam noh ya ka Written Exam ka Grade-IV kawa da booh u pynman ha ka 29 tarik uni u bnai kat wym pu dep u pynman yei takit kawa khlem lehchiliang. Da dawa leh wow kyrriah lane wym toh de u emkti u DC ha kini ki kaam wow pynman yei yalehkreh Grade-IV.
Discussion about this post